ਸੁਨਾਮ / ਜੋਗਿੰਦਰ / 28 ਜੁਲਾਈ/- ਅਕੇਡੀਆ ਵਰਲਡ ਸਕੂਲ, ਸੁਨਾਮ ਵਿਖੇ ਵਿਦਿਆਰਥੀਆਂ ਦੇ ਵਿਚਾਰਾਂ ਅਤੇ ਸਵੈ- ਵਿਸ਼ਵਾਸ ਵਿੱਚ ਵਾਧਾ ਕਰਨ ਲਈ ਸੱਤਵੀਂ ਅਤੇ ਅੱਠਵੀਂ ਜਮਾਤ ਦੇ ਵਿਦਿਆਰਥੀਆਂ ਵਿਚਕਾਰ ਅੰਤਰ-ਹਾਊਸ ਪੰਜਾਬੀ ਡਿਬੇਟ ਮੁਕਾਬਲਾ ਕਰਵਾਇਆ ਗਿਆ। ਸਟੇਜ ਦਾ ਸੰਚਾਲਨ ਸੱਤਵੀਂ ਜਮਾਤ ਦੀ ਵਿਦਿਆਰਥਣ ਜੈਸਮੀਨ ਕੌਰ ਅਤੇ ਹਰਨੂਰ ਕੌਰ ਦੁਆਰਾ ਕੀਤਾ ਗਿਆ। ਇਸ ਮੁਕਾਬਲੇ ਦੇ ਮੁੱਖ ਜੱਜ ਰੁਪਿੰਦਰ ਕੌਰ ਅਤੇ ਬਿੰਦੀਆ ਮੈਦਾਨ ਸਨ। ਸੈਮੀ ਫਾਈਨਲ ਰਾਊਂਡ ਵਿੱਚ ਦੋ ਹਾਊਸ ਟਰੂਪਰਜ਼ ਅਤੇ ਵਾਰੀਅਰਜ਼ ਜੇਤੂ ਰਹੇ। ਫਾਈਨਲ ਮੁਕਾਬਲੇ ਦਾ ਵਿਸ਼ਾ, “ਚੰਗਾ ਨਾਗਰਿਕ ਬਣਨ ਲਈ ਸਿੱਖਿਆ ਜ਼ਿਆਦਾ ਜ਼ਰੂਰੀ ਹੈ ਜਾਂ ਸੰਸਕਾਰ?” ਸੀ।
ਹਰ ਹਾਊਸ ਤੋਂ ਚਾਰ ਭਾਗੀਦਾਰ ਸਨ, ਇੱਕ ਹਾਊਸ ਸਿੱਖਿਆ ਹੱਕ ਵਿੱਚ ਅਤੇ ਦੂਜਾ ਸੰਸਕਾਰਾਂ ਦੇ ਪੱਖ ਵਿੱਚ ਬੋਲ ਰਿਹਾ ਸੀ। ਮੁਕਾਬਲੇ ਵਿੱਚ ਵਾਰੀਅਰਜ਼ ਹਾਊਸ ਜੇਤੂ ਰਿਹਾ। ਜਿਸ ਵਿੱਚ ਗੁਰਲੀਨ ਕੌਰ (ਸੱਤਵੀਂ) ਦਿਕਸ਼ਿਤ ਗੋਇਲ (ਸੱਤਵੀਂ), ਚੈਰਿਸ਼( ਅੱਠਵੀਂ) ਅਤੇ ਆਇਸ਼ਨਾ ( ਅੱਠਵੀਂ) ਨੇ ਭਾਗ ਲਿਆ। ਟਰੂਪਰਜ਼ ਹਾਊਸ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ। ਜਿਸ ਵਿੱਚ ਅਨਮੀਤ (ਸੱਤਵੀਂ) ਅਨੰਤਵੀਰ (ਸੱਤਵੀਂ ) ਅਤੇ ਆਗਮਨ (ਅੱਠਵੀਂ )ਨੇ ਭਾਗ ਲਿਆ।ਸਾਰੇ ਬੁਲਾਰਿਆਂ ਨੇ ਆਪਣੇ ਨੁਕਤਿਆਂ ਨੂੰ ਸਾਬਤ ਕਰਨ ਲਈ ਜ਼ੋਰਦਾਰ ਅਤੇ ਠੋਸ ਦਲੀਲਾਂ ਪੇਸ਼ ਕੀਤੀਆਂ। ਬੁਲਾਰਿਆਂ ਨੇ ਤਰਕਸ਼ੀਲ ਉਦਾਹਰਣਾਂ ਜਾਂ ਉਦਾਹਰਣਾਂ ਦੇ ਨਾਲ, ਬਹੁਤ ਭਰੋਸੇ ਨਾਲ ਜਵਾਬ ਦਿੱਤਾ।
ਟਰੂਪਰਜ਼ ਹਾਊਸ (ਅੱਠਵੀਂ ਜਮਾਤ) ਦੀ ਵਿਦਿਆਰਥਣ ਆਗਮਨ ਨੂੰ ਸਰਵੋਤਮ ਸਪੀਕਰ ਐਲਾਨਿਆ ਗਿਆ।
ਪਿ੍ੰਸੀਪਲ ਸ਼੍ਰੀਮਤੀ ਰਣਜੀਤ ਕੌਰ ਨੇ ਵਿਦਿਆਰਥੀਆਂ ਨੂੰ ਅਜਿਹੇ ਮੁਕਾਬਲਿਆਂ ਵਿੱਚ ਭਾਗ ਲੈਣ ਅਤੇ ਆਪਣੀ ਭਾਸ਼ਣ ਕਲਾ ਵਿੱਚ ਵਾਧਾ ਕਰਨ ਲਈ ਪ੍ਰੇਰਿਤ ਕੀਤਾ। ਇਸ ਮੁਕਾਬਲੇ ਦੌਰਾਨ ਗੁਰਪ੍ਰੀਤ ਕੌਰ , ਗਗਨਦੀਪ ਕੌਰ ਅਤੇ ਅਮਨ (ਡਾਂਸ ਟੀਚਰ)ਵੀ ਮੌਜੂਦ ਸਨ।
